Երեկ սիրված երգիչ, գուսան Արամ Ասատրյանի կնոջ ծննդյան օրն էր: Այս առիթով երեխաները մայրիկի լուսանկարն էին տարածել և հուզիչ գրառում կատարել: Մասնավորապես Ասատրյանի դուստրը հետևյալն էր գրել.

«Շնորհավոր երկնային ծնունդդ, ՄԱՄ»:

Լուսանկարին կցված է նաև «Մայրս» երգը:

«Թանկ ես ինձ համար
Իմ անգին Նվարդ,
Իմ բալիկներին
Եվ´ ծաղիկ, և´ վարդ:»:

Նշենք, որ սիրված երգիչ Արամ Ասատրյանն ունի 3 որդի և 1 դուստր: Որդիներից Արտաշը Հայաստանում է, իսկ Տիգրանը իր ընտանիքի հետ գտնվում է Ամերիկայում և այնտեղ ծավալում իր գործունեությունը:

Արամի մյուս որդին`Սեդրակը տարիներ առաջ կյանքից անժամանակ հեռացավ:Սեդրակն ու Տիգրանը երկվորյակ եղբայրներ էին: Նրա մահից հետո լուրեր էին շրջանառվում, որ Սեդրակին թունավորել են, սպանել են, սակայն ինչպես Տիգրանն է նշել`նա ճանապարհին գիշերը մեքենա վարելիս ղեկի վրա քնել է ու վթարի հետևանքով մահացել: